НОВОСТИ     СТАТЬИ     ДОКУМЕНТЫ     ПРОПОВЕДИ     ПРЕСТОЛ     СВЯЗЬ     ГОСТИ     ЖУРНАЛ  


МОЛИТВА СВЯТЫМЪ НОВОМУЧЕНИКОМЪ И ИСПОВѢДНИКОМЪ РОССІЙСКИМЪ.

Святiи новомученицы и исповѣдницы церкве Россійскія, 
услышите усердную мольбу нашу!

Вѣмы, яко нѣцiи отъ васъ, еще отроцы суще, 
послушающе о древлихъ страстотерпцѣхъ, 
въ сердце своемъ помыслиша, 
колико прелюбезно доброхвально есть таковымъ подражати, 
ихже ни муки, ни смерть не разлучиша отъ любве Божія.

Благо же вамъ, яко послѣдовали есте вѣрѣ и терпѣнію тѣхъ, 
о нихже слышасте и ихже возлюбисте.

А понеже на всякое время возможно есть 
наити на ны испытаніемъ нечаяннымъ, 
испросите отъ Господа намъ мужества даръ, 
иже толико благопотребенъ есть въ житіи человѣчестемъ.

Вся концы отечества нашего страданьми своими остившии, 
яко общии за вся ны молитвенницы,
 
умолите Бога,
избавити люди своя отъ ига, 
ужаснѣйшаго паче всякаго инаго.

И да отпустится намъ и всему роду нашему грѣхъ, 
на народѣ россійскомъ тяготѣющій: 
убіеніе царя, помазанника Божія, 
святителей же и пастырей съ паствою,
 
и страданія исповѣдниковъ, и оскверненіе святынь нашихъ.

Да упразднятся расколы въ церкви нашей, 
да будутъ вси едино и да изведетъ Господь на жатву дѣлатели своя,
 
сиесть да не оскудѣваетъ церковь пастырьми добрыми,
 
иже имуть просвещати свѣтомъ истинныя вѣры 
столь великое множество людей, вѣрѣ ненаученныхъ, 
или отъ вѣры отвратившихся.

Недостойни есмы милости Божія, обаче страданій ради вашихъ 
Христосъ Богъ нашъ да ущедритъ и помилуетъ всѣхъ насъ, 
въ помощь васъ призывающихъ.

Мы же Ему, Спасителю нашему со Отцемъ и со святымъ Духомъ 
сокрушеніе о гресехъ и благодареніе за вся всегда да приносимъ, 
славяще Его во веки вѣковъ.


Аминь.

25 января / 7 февраля 1988 г. 
Святыхъ Новомучениковъ и Исповѣдниковъ Россійскихъ.



РУССКАЯ ПРАВОСЛАВНАЯ ЦЕРКОВЬ ЗАГРАНИЦЕЙ
КЁНИГСБЕРГСКIЙ ПРИХОДЪ СВ. ЦАРЯ-МУЧЕНИКА НИКОЛАЯ II
e-mail: info@virtus-et-gloria.com